Plantun de Prouvènço

Pèr coumpara dos planto d'encò nostre

Tulipa sylvestris subsp. australis & Fraxinus excelsior

Tulipan

Tulipa sylvestris subsp. australis

Liliaceae Liliaceae

Àutri noum : Tulipoun, Toulipan, Talipan.

Noms en français : Tulipe des bois, Tulipe australe.

Descripcioun :
Lou tulipan es uno tulipo fèro jauno que trachis naturalamen dins li tepiero seco e li relarg un pau umide. Flouris tre lou mes de mars fin qu'en jun. Aquesto subsp. fai 2 à 3 fueio (uno souleto encò la subsp. australis) e si tepalo soun un pau roujo sus lou deforo (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 60 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Tulipa
Famiho : Liliaceae
Famiho classico : Liliaceae

Ordre : Liliales

Coulour de la flour : Jauno
Petalo : 6
Ø (o loungour) flour : 2 à 3 cm
Flourido : Printèms

Sòu : Ca
Autour basso e auto : 0 à 2300 m
Aparado : Noun
Mars à jun

Liò : Tepiero seco - Garrigo - Prado umido - Bos fres
Estànci : Termoumediterran à Subaupen
Couroulougi : Eurimediterrano
Ref. sc. : Tulipa sylvestris subsp. australis (Link) Pamp., 1914

Frais

Fraxinus excelsior

Oleaceae

Àutri noum : Frau, Fraich, Fraiche, Fraisse, Frais-mascle.

Nom en français : Frêne commun.

Descripcioun :
Lou frais es un aubre de mountagno que trachis dins li relarg umide en terro prefoundo. Se recounèis à si bourroun negre e óupousa, à si fueio coumpausado de 5 à 11 fueioun denta e pounchu, e peréu à soun fru que ié dison "lengo d'aucèu".

Usanço :
Emé la ligno de frais se fai li manche d'óutis. Li fueio (e li fru) soun couneigudo pèr lucha contro lou mau-d'os e ajuda à pissa. Faire bouli uno pougnado, pièi après infusioun, béure emé de jus de limoun. Dins d'ùni endré, li jóuini fru soun manja après èstre esta bouli dous cop. En Franço s'adoubo uno bevendo, la freineto, emé li fueio cuberto de melado (producho pèr li nieroun).